Dáhpáhusat.lundui.fi

Dáhpáhusat.lundui.fi -siiddut leat oaivvilduvvon Meahciráđđehusa dáhpáhusaide ja dakkár guimmiid dáhpáhusaide, main lea fámus ovttasbargosoahpamuš Meahciráđđehusain

Dáid siidduin gávnnat miellagiddevaš ja máŋggabealat luonddudáhpáhusaid álbmotmeahcis, luondduguovddážiin, vánddardanguovlluin ja eará Meahciráđđehusa bajásdoallan áhpásmuhttin- ja luonddugáhttenbáikkiin.

Dáhpáhusfálaldat molsašuddá luondduguovddáža čájáhusain luonddufitnodatdoalli ordnen tuvrraide.

Luonddugáhttenguovlluin dáhpáhusordnejeaddjit čatnasit vásttolaš doibmii.

Dáhpáhusaid almmuheapmi Tapahtumat.Luontoon.fi:ssä

Almmut dáhpáhusat kárttas oassin Tapahtumat.Luontoon.fi luonddufáttá dáhpáhusfálaldaga. Dáhpáhusat boahtá oidnosii dáhpáhuskárttas moatti minuhta siste. Geahča vulobealde dieđu almmuhusain ja lobiin, maid dáhpáhusat ordnen sáhttá ovddalgihtii gáibidit.

Oza dáhpáhusa kárttas ja oassálastte

Gávnna miellagiddevaš dáhpáhusa kárttas, juogo lahka dahje guhkkeleappos. Kárttas sáhtát bláđet dáhpáhusaid maiddái dáhpáhusbáikki vuođul!

Ovttasbargosoahpamuš Meahciráđđehusain

Mávssu vuollásaš dáhpáhusaid jeavddalaš ordnen Meahciráđđehusa áhpásmuhttin- ja luonddugáhttenguovlluin, dego álbmotmeahcis, gáibida ovttasbargosoahpamuša dahkama Meahciráđđehusa Luonddubálvalusaiguin.
Geavahat guovttelágán soahpamušaid:

  • Ovttasbargosoahpamuš daidda doaibmiide, geat eai geavat luonddučuozáhagaid dolastallansajiid ja vuoiŋŋastansajiid. Dákkár soahpamuš lea nuvttá.
  • Ovttasbargosoahpamuš daidda doaibmiide, geat eai geavahit luonddučuozáhagaid dolastallansajiid ja vuoiŋŋastansajiid. Dákkár soahpamuš lea mávssu vuollásaš.

Ovttasbargosoahpamušaid mállet leat gárvvistuvvon suoma-, ruoŧa- ja eŋgelasgillii. Lassidieđuid soahpamušain oaččut lagamus Meahciráđđehusa luondduguovddážis dahje njuolga álbmotmeahccehoavddas. Loga lasi dáppe (www.metsa.fi).

Ovttasbargosoahpamušaid sáhttá dahkat ee. suvdilis turismii čatnasan fitnodagat ja LB doibmii laktásan organisašuvnnat.

Dáhpáhusa ordnen luonddugáhttenguovllus

Jus dáhpáhusaid ordnen gullá oassin ovttasbargosoahpamušas meroštallojuvvon doibmii, dat ii dábálaččat gáibit almmuhusaid dahje lobiid. Eará dáhpáhusas dáhpáhusa ordnen gáibida dávjá dasa guoskevaš almmuhusa dahkama Meahciráđđehussii buriin áiggiin ovdal dáhpáhusa ordnema. Dáhpáhusaid ordnen (www.metsa.fi). Jus dáhpáhusa ordnen gáibida almmuhusa lassin sierra lobi dahje dáhpáhusa ordnen ii leat vejolaš, Meahciráđđehus váldá oktavuođa almmuhusa dahkkái.

Dola ávkkástallan dáhpáhusain

Luondduturismafitnodagat sáhttet ávkkástallat stobuid ja eará ráhkadusaid, dego dolastallanbáikkiid, áššehasaidis vuoiŋŋastanbáikin, muhto gáibida goittotge ovttasbargosoahpamuša dahkama Meahciráđđehusain. Ávdinstobuid ávkkástallan idjadeapmái luondduturismma fitnodatdoaimma oktavuođas ii goittotge leat lobálaš, muhto áššehasaid idjadeapmái galgá geavahit várren- ja láigostobuid dahje priváhta idjadanbálvalusaid. Maiddái iešheanalaččat johtán stuorra joavkkuid ávžžuhat geavahit idjadeapmái juogo iežas tealttáid dahje várrehusstobuid. Loga lasi (www.lundui.fi).

Doalvvo manadettiin maid buktet boađedettiin

Luonddugáhttenguovlluin čuovvut ruskkahis vánddardeami vuođđojurdaga sihke dáhpáhusa ordnemis ja dáhpáhussii oassálastimis. Muittáthan doalvut buot du buktán gálvvuid manadettiin ja sirret ruskkaid áššáigullevaš ruskalihtiide. Várre mielde ruskaseahkaid ja dárkkis eanadaga čorgatvuođa dáhpáhusa maŋŋá. Ruskkahis vánddardeapmi.

Sávvat somás dáhpáhusaid Suoma luonddus!

Geavahat diehtočoahkuid (cookies) geavaheaddjivásáhusa buorideapmin ja geavahanstatistihkaid čohkkemii. Joatkimiin siidduid geavaheami dohkkehat diehtočoahkuid geavaheami.

x